Asteburu-pasa honetan gertuko paradisu txiki bat deskubritu dugu, Leurtzako urtegia. Naturaren mirari honek sekulako balio paisajistikoa izateaz gain, lupaz bilatzen ditugun leku horietakoa da…Badakizue? Ingurune honek ibilbide irisgarri eta egokitua du zailtasunak dituzten lagunentzat. Ba al zatoz altxor txiki hau ezagutzera?
Leurtzako urtegia Malerrekako eskualdearen bihotzean dago. Urrotz herria zeharkatu eta gero, basoan zehar gidatzen gaituen errepideari segika urtegiko aparkalekuraino iritsiko gara.
Ezinduentzako aparkalekua dauka eta ibilgailua aparkatzeagatik eguneko 3€ ordaintzen da goi-garaian; jasotzen den dirua lekua mantentzeko erabiltzen da. Gau lasaia eman genuen urtegi ertzean.
Urtegiak ibilbide sorta polita eskaintzen du goiko zein beheko urtegien inguruan, izatez bi urtegi direlako. Guk egin genuena itsuentzako trabesaz, braillez idatzitako plakatxoa-informatiboaz eta gurpildun aulkietan mugitzen diren lagunentzako egokituta dagoen 2km-ko ibilbidea da.
Ibilbidea hasi bezain laster, Urrotz eta Labaien- Beintza herriek kudeatzen duten Aisialdi eta Natur Gunea topatu genuen: hainbat harrizko mahai, erretegi ugari eta harraska, iturri eta komunak dituen etxolatxoa. Leku ederra igandea igarotzeko.
Leurtzako Aisialdi eta Natur Gunea.
Harizti multzo txiki bat zeharkatuz jarraitzen d ubideak. Bertan zuhaitzetatik zintzilik agertzen diren kutxa bitxi batzuk atentzio ematen digute eta denbora pittin bat joaten zaigu zer demontre diren asmatu arte… Saguzarren habiak dira eta!! Baina ez da ez ingurune honetako biztanle bitxi bakarra, baso-igel gorriaere bertan bizi da eta.
Saguzarrentzako habiak bidean zehar.
Ekaitzen ondorioz eroritako zuhaitz batek ibilbidea oztopatzen zuen eta menditik zeharkatu behar izan genuen zatitxo hori. Pentsatzen dugu bidea udaberrirako garbituko dutela inork ezustekorik izan ez dezan. Jarraian, pasabide edo zubi moduko luze bat zeharkatu genuen urtegiaren beste aldera igarotzeko. Urtegiaren esmeralda koloreko urak liluratu gintuen.
Beste aldeko mendi-hegala pagadi handi batez estalita dago, neguan biluzik ageri dena, baina lurra orbelaz osatutako alfonbra eder batez janzten duena. Paisaia gero eta ederragoa bilakatzen da goizeko eguzki izpiek eguna argitu eta koloreak atera ahala.
Urtegiko pagadia
Leurtzako ibilbidearen zati egokitua
Ibilbidearen azken zatia aldapatxo egokitu batetik behera egiten dugu. Bukatzeko, aparkalekura garamatzan presaren gainetik pasatzen gara.
Ibilbidea neguaren bihotzean egin dugu, baina leku zoragarria iruditu zaigu familia osoarekin paseo bat egiteko, denon eskura dagoen ibilbidea. Agian, datorren udaberria une ona izango da berriz itzultzeko, urez betetako urtegia topatzeko eta baso-igel gorria behatu ahal izateko. Ez al zaizue iruditzen?
BIDAIA-INFORMAZIOA
Leurtzako urtegian aparkatzeko koordenadak:
N43º 4′ 18.1″
O1º 42′ 56.3″
How useful was this post?
Click on a star to rate it!
Average rating / 5. Vote count:
No votes so far! Be the first to rate this post.
As you found this post useful...
Follow us on social media!
We are sorry that this post was not useful for you!
Ikusi Izenbururik gabea mapa handiago batean BISITAREN DATUAK: Bidaiariak: 2 heldu eta 2 urteko ume bat. Furgoneta: Mercedes Vito – Marco Polo( Westfalia) Distantzia: 650km (joan-etorria) Bidaiaren iraupena: ostiraletik igandera arte. Aurrekontua: 50€ inguru (peage eta erregaia).50€ inguru erosketak, sarrerak, jatetxetako menua. Gaua pasatzeko: Burgo de Osmako aparkalekua (gaua pasatzea onartzen da) IRTEERA PRESTATZEKO…
San Juan de la Peña Monasterioa Santa Cruz de la Serós herritik 7 km-tara dago. Bere kokapena, izen bereko harkaitzpean, berezitasun handiko lekua dela adierazten digu. Aragoi Erresumaren sorlekutzat hartzen da eta Done Jakue bidearen ohiko geldiune izandakoa da.Eta guzti hau gutxi balitz Saindu Grialarekiko lotura egotzi zaio. Monastegi honen jatorria denboran galtzen dela…
Hasieran, Oñatira joateko asmoa genuen; bertako etxedorreak, Arantzazu santutegia eta Arrikutz kobazuloak ikusteko. Atera aurretik, ordea, kobazuloak martxorarte itxita zeudela jakin genuen, eta gehiegi pentsatu gabe, furgoneta martxan jarri eta Burgos aldera abiatu ginen. Axola duena etxetik irtetea baita. URTARRILAK 11, LARUNBATA “Museo de la evolución humana” delakotik gertu dagoen aparkaleku batean utzi genuen furgoneta….
Ikusi SORIA BISITATUZ 2 mapa handiago batean IBILBIDEAREN DATUAK Bidaiariak: 2 heldu eta 2 urteko ume bat.Furgoneta: Mercedes Vito – Marco Polo( Westfalia) Distantzia: 413 km (joan-etorria) Bidaiaren iraupena: ostiraletik igandera arte. Aurrekontua: 63€ inguru erregaia + 75€ ostatua(2 gau) Ostatua: Posada Los Leones INFORMAZIO ITURRIAK www.sorianitelaimaginas.com www.castillodeberlanga.blospot.com www.posadalosleones.com BIDAIAREN INTERESGUNEAK: Berlanga de Duero: Gaztelua…
Aurten, luma eta distiren inauterietatik ihesiz Pirinio aldera abiatu gara eta Bielsako inauteri sonatuak ikustera hurbildu gara. Han ezagutu ditugu antzinako giza-pentsamolde, sinesmen eta bizimoduarekin bat egiten duen festa bat; horiek dira bestelako inauteriak, horiek piztien inauteriak dira. Ezagutzen al dituzu? 1. EGUNA Sorrosal urjauzia eta Bielsako inauteri festa. Gaua Jacako furgoperfektoaren inguruan pasa ondoren, Brotoko…
Gorliz Bizkaiko kostan eta Bilbotik gertu kokatzen den herria da. Negu gorriaren ostean, kanpora ateratzeko beharra sentitzen genuen. Gainera, oso gauza politak irakurrita genituen herri honi buruz; horregatik, asteburu eguzkitsu batean, Gorliz familian bisitatzea erabaki genuen. Bazatoz gurekin Gorliz ezagutzera? How useful was this post? Click on a star to rate it! Submit Rating…
