VARSOVIA GURE ERARA

Poloniaren hiriburua eta hiri handi bat izan arren, guri oso leku eskuragarria iruditu zitzaigun furgonetarekin iristeko, kanpoaldeko kale batean gaua egiteko eta hurrengo egunean erdigunetik gertu aparkatzeko hura bisitatzeko. Gomendatzen dugu zooaren ingurua erabiltzea furgoneta aparkatzeko, izan ere aparkalekuak oso zabalak dira eta plaza libre asko zeudela ikusi genuen. Gainera, handik zubia zeharkatu besterik ez dago alde zaharrera iristeko. Beste hainbeste hiriburu europarrek bezala Varsoviak gutxienez 5 egun behar ditu hura gunez gune ezagutzeko, bere museoez gozatzeko eta bere kale-giroaz blaitzeko. Guk, ordea, egun bat besterik ez eskaintzea erabaki genuen eta inpresio txiki bat eramatea, izan ere azken finean, beti daude hegaldi merkeak Varsoviaren ateetaraino eraman gaitzaketenak, ez al zaizue iruditzen?

Hirira iritsi aurretik bere historia irakurtzen aritu ginen… Bigarren Mundu Gerran zehar tropa alemanek okupatu eta suntsitu zuten eta halako egoeran geratu zen non ematen zuen han amaituko zela bere ibilbidea hiri gisa. Baina ohiturak, hizkuntza eta memoria historikoa gordetzen diren herri bat badago hura Polonia da. Beraz jada beste hiri batzuetan egin zuten bezala, hondakinen azpiko piezak berreskuratu zituzten eta antzinako argazki, pintura eta dokumentuetan oinarrituz zaharberritze sakon bat egin zuten, aspaldiko distira ez bada, izaera eta autentikotasun handia itzuli arte. Varsovia Munduko Ondare bihurtu zen 1980an eta gaur egun bitxi oso bat da.

ZER BISITATU GENUEN?

Ekaitz-egun bat atera zitzaigun, beraz haizearekin eta euriarekin borrokatu behar izan genuen goiz osoan. Slasko-Dabrowski zubia hirirantz oinez zeharkatzean, Vistula ibaira begira dagoen Varsoviako multzo arkitektonikoaren bistez gozatu ahal izan genuen.

Nahiz eta oso goiz zen, ekaitzaren ondorioz eta igandea zenez, Errege Gaztelua ezinezkoa zen bisitatzeko, beraz txubaskeroa jantzi eta Varsoviako kaleetan barrena ibiltzera.

Stare Miasto, Hiri Zaharra

Hiriko lekurik zaharrena da eta interes-gune bitan banatzen da: Gazteluaren Plaza eta Errege Gaztelua alde batetik; eta hiriaren Plaza edo Rynek hura biltzen duten kaletxo xarmagarriekin, bestetik.

Kaletxoetan barneratzen gara eta Ul. Piwna zeharkatuz ibiltzen gara, oroitzapen-dendaz eta batez ere anbarra, Baltikoko urrea, saltzen duten bitxi-dendaz beteta. Erakusleihoetan begira-begira ibiltzen gara , baina azkar pasatzen gara Merkatu Zaharraren Plazara -Rynek Starego Miasta iristeko.

Plazarako sarrera bere fatxadetan aurrez aurre lehoi bat duten bi eraikinek babesten dute, orduak jotzen dituen erloju batekin, ikusgarria da. Plaza turistari eskaintzen zaizkion terrazaz eta bar-jatetxez beteriko leku bat da. Hura osatzen duten eraikin koloretsuek bakoitzak historia desberdin bat kontatzen digute, baina haiei begiratzen eta haiek ulertzen jakin behar da. Erdian bi gauzak deitu zuten gure arreta: alde batetik, antzinako iturri bat eta hartara umeak eta helduak ura ateratzera hurbiltzen ziren biziki entusiasmatuta. Bestetik, Sirena, antzinako Udaletxearen lekua okupatzen duen brontzezko estatua handi bat eta Vistularekin eta hark Baltiko itsasoarekin duen konexioarekin erlazionatuta dago.

Gainera, izugarri gustatu zitzaigun 31. zk. eraikina, nahasezina lehoi bat erakusten duelako eta izkina eginez egurrezko begiratoki txiki bat erakusten duelako. Ez ginen plazatik joan kafe bat eta etxeko “sernyk” gazta-pastel zati bat hartu gabe Bazyliszek Kafetegian, bidaiaren birgosari kapritxo bat. Plazatik Novomiesjca kaletik atera ginen eta Barbakanarantz terrazan zabaltzen den oso espazio atsegin batera iritsi ginen. Hemen dago alde zaharra inguratzen zuen Erdi Aroko harresitik gordetzen den ate bakarra. Atearen bi aldeetan geratzen den harresi-zatia oinez zeharkatu daiteke eta bista politak ditu.

Ondoren Gazteluaren Plazarantz joan ginen eta hura edertasun bat izateaz gain biziz gainezka dago. Espazio zabal bat eta hiriko erdigune neuralgikoa da non bertakoak topatzen eta agurtzen diren. Tokatu zitzaigun 12:00etan puntuan ikusi ahal izatea nola Gazteluaren dorreko bigarren solairutik tronpeta jotzen duten. Guri ustekabean harrapatu gintuen, baina gure ingurura begiratuz konturatu ginen kamera asko zegoela prestatuta.

Segismundo III Vasaren zutabea, errege baten omenez altxatu zen, hiriko monumenturik zaharrena da eta argazki guztietan agertzen den “makila”. Gazteluaren plaza oso animatua da, baina guk zalapartatik ateratzea eta Santa Ana elizaren dorrera igotzea erabaki genuen . Erronka txiki bat izan zen, goizaren zati handi bat kaleak korritzen baikeneraman eta bere kiribil-eskailera estuak igotzeak gure energiak amaitu zituen, baina sariak merezi izan zuen. Goitik 360º-ko bistak lortzen dira eraikin historikoz, etxe-orratz handiz eta garai komunistako estatuak dituzten etorbidez beteriko hiri aurpegianitz bat deskubrituz.

ESNE-BARRAK IZUGARRIAK DIRA!

Gure ibilaldiarekin jarraitzen dugu Erdi Aroko erdigunearen hegoaldera hedatzen diren kale zabaletan barrena: Krakowskie Przedmiescie, “Krakoviako Aldiriak”, Varsoviako biztanleen ibilbiderik ezagunena da eta galdu ezin genuen zerbait. Kale hau benetako ezusteko-kutxa bat da, jauregi luxuzkoz, estatua erraldoiz eta Varsoviako Unibertsitatea bezalako garrantzizko eraikinez albo-babestuta dago. Nowy Swiat kaletik jarraitzen dugu, dendaz, kafetegiz eta jatetxez beteriko merkataritza-kale animatu bat. Eta horretara goaz, izan ere janari tipikoa jateko eta benetako poloniarrak bezala jateko leku bikain bat topatzen dugu. Gainera, prezioak eskandalagarriak ziren. Mleczarnia Jerozolimskaz (Jerozolimskie 32) hitz egiten dugu, hiriko “esne-barra” deitutakoetako bat, nolabait modernizatua. Barra-mota hauek garai komunistako janari-etxe zahar eta merkeak dira non langileak jatera joaten ziren, gaur egun hiriko langileak.

Aukeratzeko plater kopuru handia dago, sinpleak baina sendoak. Guk zopak aukeratu genituen lehen plater gisa, Polonian bazkaria hasteko oso tipikoa den zerbait. Tomate-zopa bat probatu genuen, beste bat hotza erremolatxarena (choldnik) eta minestrone mota bat. Guztiak naturalak eta gozo-gozoak.

Bazkariaren ondoren Vistularantz joan ginen non arratsaldearen zati bat Kopernikoren Zientzien Museoan pasatu nahi dugun. Gomendatzen dugu interneten erreserbatzea, guk iritsi ginenerako “Sold out” kartela zuten zintzilik 🙁 Orduan erabaki genuen Vistulatik furgonetara itzultzeko ibilaldi bat ematea, ez zen plan txarra izan ere, ibaiek zeharkatzen dituzten hiri guztiek duten xarmaz eta erromantizismoaz gozatu ahal izan genuen.

GUSTATUKO ZITZAIGUN…

Errege Gaztelua barrutik bisitatzea, Beste auzo bat eta bere monumentu komunistak gertuagotik ezagutu izana eta nola ez, gure semearekin ikasteko arratsalde batez gozatu izana Kopernikoren Zientziaren Museo ikusgarrian, baina bidaiak batzuetan horren aurreikusezinak dira… Hasieran jada esan dugun bezala, Varsoviak eskaini diogun denbora baino askoz gehiago merezi du, baina Poloniaren inguruko furgonetan egindako ibilbide honetan nahiago izan genuen hura eskuragarritasun gutxiago duten eta agian inoiz itzuliko ez garen lekuetara iristera eskaintzea. Tinta-ontzian beti geratuko zaigu Varsovia.